Raportohet se ushtria e Birmanisë dogji 11 persona si hakmarrje
BKT
   Bota

Raportohet se ushtria e Birmanisë dogji 11 persona si hakmarrje

Trupat qeveritare të Birmanisë bastisën një fshat të vogël në veriperëndim të vendit, duke rrethuar civilë, duke ua lidhur duart e duke i djegur për së gjalli si hakmarrje e qartë për një sulm ndaj një konvoji ushtarak, sipas dëshmitarëve dhe raportimeve tjera.

Një video e publikuar pas sulmit të së martës shfaqi trupa të djegur të 11 viktimave. Besohet se disa prej tyre ishin adoleshentë, shkruan Associated Press.

“Kontaktet tona po thonë se këta ishin vetëm djem dhe të rinj që ishin fshatarë të kapur në vendin dhe kohën e gabuar”, tha Manny Maung, zëdhënëse e “HRË”-së. Ajo shtoi se incidente të ngjashme kanë ndodhur rregullisht, por ky i fundit u kap nga kamera.

Qeveria e Birmanisë ka mohuar se ka pasur trupa në zonën ku u raportua ngjarja.

Ushtria birmane në shkurt e rrëzoi qeverinë e zgjedhur në mënyrë demokratike të zonjës Aung San Suu Kyi. Ky veprim u kundërshtua nga popullata civile, fillimisht me protesta të qeta në rrugë.

Paralajmërim: Videoja përmban skena dhune e kufoma. Nuk preferohet të shikohet nga fëmijët dhe personat e ndjeshëm.

Për ta shikuar videon, klikoni KËTU.

Megjithatë, pasi policia e ushtria u kundërpërgjigjen me forcë vdekjeprurëse, dhuna eskaloi, kur kundërshtarët e qeverisë ushtarake i kapën armët për t’u vetëmbrojtur.