Stoltenberg kërkon nga Rusia të ulë tensionin në lindje të Ukrainës
BKT
   Bota

Stoltenberg kërkon nga Rusia të ulë tensionin në lindje të Ukrainës

"I bëjmë thirrje Rusisë të ulë tensionin, të tërhiqet, të mos përshkallëzojë tensionin dhe të tregohet transparente për qëllimet e saj", tha Putin.

Sekretari i Përgjithshëm i NATO-s, Jens Stoltenberg, i ka bërë thirrje Rusisë që të ulë tensionin në lindje të Ukrainës.

Stoltenberg përmes video-konferencës u adresua në panelin me temë "Politika paqes në kohën tonë", të organizuar nga fondacioni Friedrich-Ebert në Berlin.

Duke përmendur njësitë ushtarake të Rusisë në kufirin e Ukrainës, Stoltenberg tha se, "I bëjmë thirrje Rusisë të ulë tensionin, të tërhiqet, të mos përshkallëzojë tensionin dhe të tregohet transparente për qëllimet e saj".

Ai më tej u shpreh se pret që Rusia të mos përdorë forcë ushtarake ndaj tensionit të përjetuar, si dhe të respektojë sovranitetin dhe integritetin territorial të Ukrainës, e cila është një shtet sovran dhe i pavarur në Evropë.

Duke njoftuar se ka nevojë për një zgjidhje politike ndaj tensionit të përjetuar, Stoltenberg shprehu keqardhje se prej 18 muajsh nuk ka qenë i mundur të mblidhet Këshilli NATO-Rusi për shkak se Rusia ka refuzuar ftesën për takim. Gjithashtu Stoltenberg theksoi se ftesa është ende e vlefshme.

Stoltenberg duke iu referuar politikave të ish-kancelarit gjerman, Willy Brandt, deklaroi se, "Ashtu siç edhe ai e ka vënë në dukje, nuk ka asnjë kontradiktë nga të qenurit të vendosur në qasjen tonë ndaj fqinjit tonë në Lindje dhe të qenurit në dialog në të njëjtën kohë".