13:54 / 17.12.2021
Kosova ende pa përgjigjje nëse ka raste me Omicron
Instituti i Shëndetësisë Publike nuk i ka marrë ende rezultatet e mostrave që ka nisur për në Gjermani për testim të variantit Omicron.
IKSHPK ka thënë se ato pritet të arrijnë rreth datës 20-24 dhjetor 2021, njofton Klan Kosova.
Më 6 dhjetor, Kosova nisi drejt Gjermanisë dhjetëra mostra.
Varianti i ri i koronavirusit, Omicron është shfaqur për herë të parë në Afrikën e Jugut.
Ndërkaq ky variant, tash së fundmi është përhapur edhe në vendet e Ballkanit, si në Kroaci dhe Greqi.























