Përballë valës së Omicron, SHBA shpërndan 500 milionë teste falas
BKT
   Bota

Përballë valës së Omicron, SHBA shpërndan 500 milionë teste falas

Përballë valës së variantit Omicron, autoritetet amerikane do të shpërndajnë 500 milionë teste për Covid-19 pa pagesë, do të mobilizojnë personelin mjekësor ushtarak nëse është e nevojshme për të rritur kapacitetin e vaksinimit, por nuk do të marrin masa detyruese, deklaroi një zyrtar i lartë i Shtëpisë së Bardhë.

“Ne kemi mjetet për t’u përballur me këtë valë. Nëse amerikanët vaksinohen dhe u përmbahen masave paraprake që ne njohim, veçanërisht duke mbajtur një maskë kur udhëtojnë, ata mund të festojnë Krishtlindjet dhe Vitin e Ri në mënyrë paqësore”, shtoi ai.

Varianti Omicron ka përbërë rreth 73 për qind të rasteve të Covid-19 në SHBA gjatë javës së kaluar, sipas të dhënave nga Qendra për Kontrollin dhe Parandalimin e Sëmundjeve (CDC).

Shifrat shënojnë një hap të madh që nga vlerësimi prej 12,6% i një jave më parë.

Autoritetet shëndetësore të SHBA-së kishin vlerësuar fillimisht rreth tre për qind për atë javë, por rishikuan numrat e tyre në rritje të mëtejshme.

Omicron është tani lloji dominues në vend, duke e shtyrë Deltan në vendin e dytë.

”Delta së fundmi përbënte rreth një të katërtën e rasteve”, sipas vlerësimeve të CDC. Në disa shtete, mbi 90% e rasteve janë varianti Omicron.

Një valë e fortë Delta goditi SHBA gjatë verës./atsh