Rusia regjistron një numër rekord të vdekjeve në nëntor
Sipas shifrave zyrtare, më shumë se 87,000 persona në Rusi kanë vdekur nga Covid-19, duke shënuar një numër rekord në muajin nëntor.
Në shumicën e rasteve, virusi është konsideruar shkaku kryesor i vdekjeve, njoftoi sot zyra e statistikave Rosstat, në Moskë.
Sipas agjencisë shtetërore të lajmeve TASS, shifrat e qeverisë ruse për muajin e kaluar janë në mënyrë të dukshme më të ulëta ku janë raportuar 37,000 vdekje.
Mospërputhja shpjegohet me faktin se, janë regjistruar vetëm rastet në të cilat koronavirusi ishte shkaku kryesor i vdekjeve , thuhet në raport.
Statistikat e qeverisë treguan se vendi ka regjistruar më shumë se 1000 vdekje të reja nga koronavirusi çdo ditë për javë të tëra. Megjithatë, kjo shifër bazohej tashmë në supozimin se numri i rasteve të paraportuara ishte i lartë.
Kohët e fundit, situata e koronavirusit në Rusi është lehtësuar disi, me më shumë se 900 vdekje brenda një dite./atsh























