COVID-19 – Incidenca shtatëditore në Itali mbi 2 000 për 100 000 banorë
BKT
   Bota

COVID-19 – Incidenca shtatëditore në Itali mbi 2 000 për 100 000 banorë

Numri i infeksioneve të reja me koronavirus në Itali ka vazhduar të rritet lehtë.

”Dje, autoritetet kanë regjistruar një mesatare prej 2 011 infeksionesh koronavirus për 100 000 banorë në mbarë vendin gjatë shtatë ditëve të fundit”, njoftoi Instituti i Lartë i Shëndetit (ISS).

Javën e kaluar, incidenca shtatëditore ishte 1 988 raste.

Sipas ekspertëve, vlera po stabilizohet disi.

Situata në njësitë e kujdesit intensiv ka mbetur pak a shumë e njëjtë me javën e kaluar, ku pacientët Covid-19 zënë rreth 17% të totalit.

Në repartet e spitaleve, megjithatë, shkalla u rrit pak në 31 për qind.

Rritja e shpejtë e infeksioneve të reja ditore me koronavirus që nga fillimi i vitit ka shtyrë qeverinë të shtrëngojë më tej rregullat.

Në fillim të këtij muaji, Italia prezantoi gjithashtu një kërkesë të diskutueshme për vaksinimin e koronavirusit për njerëzit mbi moshën 50 vjeç, e cila ka bërë rritjen e vaksinimeve./atsh