Avioni kthehet në aeroport pasi një udhëtare nuk mbante maskë
Sipas lajmit të BBC, thuhet se pasi avioni me 129 udhëtarë u kthye në Miami, policia e shoqëroi gruan (40) teksa zbriste nga avioni.
Avioni i "American Airlines" i linjës Miami - Londër është kthyer në aeroport pasi një udhëtare refuzoi të mbante maskë.
Sipas lajmit të BBC, thuhet se pasi avioni me 129 udhëtarë u kthye në Miami, policia e shoqëroi gruan (40) teksa zbriste nga avioni.
Përderisa vazhdon hetimi, kompania ajrore e vendosi gruan në listën e personave të ndaluar të udhëtojnë me "American Airlines".
Pasi zbriti nga avioni, një pasagjere për WFOR-TV tha se "Të gjithë ishin të shokuar" ndërsa një pasagjere tjetër tha se ishte e zhgënjyer.
Sipas Administratës Federale të Aviacionit të SHBA-së, linja ajrore raportoi gati 6.000 raste vitin e kaluar dhe 151 në dy javët e para të këtij viti, pasagjerë të cilët shkelën rregullat duke refuzuar të mbanin maska.























