Britani: Pranvera vjen një muaj më herët si pasojë e ndryshimeve klimatike
BKT
   Bota

Britani: Pranvera vjen një muaj më herët si pasojë e ndryshimeve klimatike

Ndryshimet klimatike po bëjnë që bimët në Mbretërinë e Bashkuar të lulëzojnë mesatarisht një muaj më herët, sipas një studimi.

Ashtu si rënia e gjetheve të vjeshtës po vonohet nga moti i ngrohtë, lulet po shfaqen më herët në pemë dhe shkurre.

Por ndërsa disa mund t’i mirëpresin këto lulëzime të parakohshme, shkencëtarët po paralajmërojnë për rreziqet.

recommended by

DIATEA

Ky truk i thjeshtë ul sheqerin në gjak! Shkruani recetën

MËSO MË SHUMË

Ata thonë se nëse trendi vazhdon, do të ketë efekte të dëmshme për zogjtë, insektet dhe ekosistemet e tëra.

“Mospërputhja ekologjike mund të fillojë, e cila do të kishte një efekt dramatik në funksionimin dhe produktivitetin e natyrës dhe bujqësisë”, tha studiuesi kryesor, Ulf Buntgen nga Universiteti i Kembrixhit.

“Sistemi ynë klimatik po ndryshon në një mënyrë që ndikon ne dhe mjedisin tonë”, tha ai.

Shkencëtarët paralajmërojnë se nëse speciet dalin jashtë sinkronizimit me njëra-tjetrën, kjo mund të ketë pasoja katastrofike – një koncept i njohur si mospërputhje ekologjike, raporton BBC, transmeton Klankosova.tv.

Poleni, nektari, farat dhe frutat e bimëve janë burime të rëndësishme ushqimore për insektet, zogjtë dhe kafshët e tjera të egra. Dhe nëse lulet shfaqen shumë herët, ato mund të goditen nga ngrica, duke dëmtuar të korrat e pemëve frutore.

Studiuesit e Kembrixhit krahasuan datat e para të lulëzimit të 406 specieve bimore me të dhënat klimatike, duke gjetur se lulëzimi i hershëm është i lidhur ngushtë me rritjen e temperaturave globale.