SHBA do të ndalojë tregtinë me rajonet lindore të Ukrainës
BKT
   Bota

SHBA do të ndalojë tregtinë me rajonet lindore të Ukrainës

Presidenti amerikan, Joe Biden, do të lëshojë një urdhër ekzekutiv që do të ndalojë “investimet e reja, tregtinë dhe financimin e personave amerikanë nga dhe drejt” dy rajoneve në lindje të Ukrainës, të cilat presidenti rus, Vladimir Putin, i ka njohur si entitete të pavarura të hënën, më 21 shkurt, ka thënë Shtëpia e Bardhë.

Ky urdhër do të “ofrojë autoritet për të vendosur sanksione ndaj secilit person që vërtetohet se vepron në këto zona të Ukrainës”, ka thënë zëdhënësja e Shtëpisë së Bardhë, Jen Psaki përmes një deklarate.

Psaki ka thënë se këto masa do të zbatohen shpejt dhe se janë të ndara nga sanksionet që SHBA-ja dhe aleatët kanë përgatitur nëse Rusia pushton Ukrainën.