Hungarezët protestojnë kundër agresionit rus në Ukrainë
Disa qindra hungarezë u mblodhën sot në qendër të Budapestit për të protestuar kundër agresionit ushtarak së Rusisë në Ukrainë, e cila ka zhvendosur dhjetëra mijëra refugjatë përtej kufirit, shumica në vendet e Evropës Perëndimore.
Udhëheqësi i opozitës Peter Marki-Zaj, i cili mbron një politikë të fortë pro-evropiane, thirri një tubim para zyrave të Bankës Ndërkombëtare të Investimeve (IIB), e cila zhvendosi selinë e saj në Budapest nga Moska në vitin 2019, raporton Reuters.
Opozita e quajti IIB, në të cilën sipas të dhënave të vitit 2019 Rusia ka 42.9 për qind të aksioneve, një "bankë spiune" dhe mishërim i ndikimit të presidentit Vladimir Putin në Hungari, i cili është aksionari i dytë më i madh me 17.2 për qind.
IIB tha se protesta nuk kishte lidhje me asnjë nga aktivitetet e saj dhe se si një "organizatë financiare ndërkombëtare e regjistruar në Sekretariatin e Kombeve të Bashkuara, ajo ishte dhe mbetet gjithmonë jashtë politikës".
"Zhvillimet e fundit gjeopolitike nuk ndikojnë në asnjë mënyrë synimin e Bankës për të vazhduar të përmbushë detyrimet e saj ndaj investitorëve, partnerëve dhe klientëve," tha zëdhënësja Ana Lvova për Reuters.
Më herët gjatë ditës, ministri i Jashtëm hungarez Peter Sijarto shprehu solidaritetin me Ukrainën fqinje, shtëpia e një komuniteti të madh etnik hungarez, dhe tha se Hungaria mbështet sovranitetin dhe integritetin territorial të Ukrainës.
Javën e kaluar, Republika Çeke u bëri thirrje vendeve anëtare të BE-së, IIB dhe Bankës Ndërkombëtare për Bashkëpunim Ekonomik (IBEC) që të largohen nga institucionet e epokës sovjetike, të cilat përfshijnë Rusinë si aksionarin më të madh, transmeton Reuters.























