440 operacione për 3 muaj, në Kirurgjinë Plastike në QKUK
Foto: ShSKUK/ Facebook
Shëndetësi

440 operacione për 3 muaj, në Kirurgjinë Plastike në QKUK

K.K

Shërbimi Spitalor, Klinik, Universitar i Kosovës ka njoftuar se në tre muajt e parë të këtij viti janë realizuar 440 operacione në Klinikën e Kirurgjisë Plastike Rekunstruktive dhe Estetike, në QKUK.

Në njoftim bëhet e ditur se kirurgët plastik kanë kryer 1mijë e 889 vizita ambulantore, kurse në sallën e Klinikës Emergjente janë kryer 164 intervenime kirurgjike dhe 485 konsultime-vizita emergjente.

Gjatë këtij tremujori, kirurgët plastik bënë rekonstruksionin e gjirit tek 6 gra të cilat ishin ballafaquar me kancerin e gjirit, thuhet në njoftimin për media.
 
Në Klinikën e Kirurgjisë plastike për tre muaj janë ofruar edhe 2 mijë e 883 shërbime të tjera mjekësore nga mjekët dhe infermierët e klinikës.