Presidenti ukrainas Volodymyr Zelensky ka ftuar kancelarin gjerman Olaf Scholz dhe presidentin Frank-Walter Steinmeier për takim në Kiev, raporton agjencia e lajmeve AFP duke cituar zyrën e presidentit gjerman.

Zelensky e bëri ftesën gjatë një bisede telefonike me Steinmeier, gjatë së cilës u sqaruan keqkuptimet e së kaluarës dhe Steinmeier shprehu solidaritetin, respektin dhe mbështetjen e tij për Ukrainën.

Ftesa vjen tre javë pasi Steinmeier u refuzua nga Kievi për shkak të lidhjeve të ngushta ekonomike të Gjermanisë me Rusinë. Vizita e planifikuar e presidentit gjerman në kryeqytetin ukrainas u anulua në minutën e fundit./tvklan.al/