Kosovarët kërkojnë Shqipërinë në internet, serbët kërkojnë Kosovën
Foto: www.visualcapitalist.com
Tech

Kosovarët kërkojnë Shqipërinë në internet, serbët kërkojnë Kosovën

Jeton Musliu / RTKlive

Andres Sundell është një ekspert i shkencave politike me fokus të veçantë vizualizimin e të dhënave në Universitetin e Gothenburgut. Duke përdorur Google Trends, ai ka përpiluar një listë të shteteve më të klikuara në Google dhe nga cili shtet bëhen ato klikime.

Të dhënat e tij përfshijnë periudhën nga viti 2004-2022. Gjetjet e tij janë te veçanta në botën e internetit sepse nxjerrin në pah, atë se popujt e vendeve të ndryshme, se cilat vende të tjera i kërkojnë.

Në rastin konkret, rezulton se shteti më i kërkuar për serbët është pikërisht Kosova, kurse vetë kosovarët më së shumti kanë kërkuar në Google për Shqipërinë.

Megjithatë, shteti më i kërkuar për shqiptarët e Shqipërisë gjatë kësaj periudhe nuk është Kosova por  Italia. Ndërsa për vetë italianët shteti më i kërkuar rezulton të jetë SHBA-ja.

Në anën tjetër, SHBA nuk rezulton të jetë shteti më i kërkuar vetëm për italianët por për tërë botën. Ky shtet rezulton  më i kërkuari në Google, duke u renditur i pari në listë nga 190 shtete të përfshira në raport.

Kështu, amerikanët kërkuan gjatë këtyre viteve, më së shumti Meksikën, pastaj Indinë e Japoninë kurse rusët kërkuan për SHBA-në, Kinën e Ukrainën, ndërsa britanikët më shumë kërkuan për SHBA-në, Francën e Indinë.

Këto gjetje mund të përdoren si një tregues interesant i tendencave kulturore dhe sociale të secilit shtet.

Më poshtë mund të shihni një hartë e cila paraqet në mënyrë grafike emrat e shteteve më të kërkuara në Google sipas shtetit nga i cili është bërë kërkimi.

10 shtetet më të klikuar nga amerikanët:

1- Meksika

2- India

3- Japonia

4- Kina

5- Kanadaja

6 – Mbretëria e Bashkuar

7 – Francë

8 – Itali

9 – Gjermania

10 – Rusia

10 shtetet më të klikuar nga rusët:

1 – SHBA

2- Kina

3- Ukraina

4 – Gjermania

5 – Japonia

6 – Turqia

7 – Franca

8 – Italia

9 – India

10 – Spanja

10 shtetet më të klikuara nga britanikët:

1 – SHBA

2 – Franca

3 – India

4 – Australia

5 – Spanja

6 – Irlanda

7 – Italia

8 – Gjermania

9 – Kina

10 – Japonia

 


MË SHUME NGA Tech