FMSh mban konferencë për shkëmbimin e përvojave në vendet evropiane
Arlinda Sejda / RTK
Në Rekjavik të Islandës po mbahet Konferenca e 19 Evropiane e organizuar nga Federata e mjekëve shqiptarë në Evropë, ku po marrin pjesë profesionistë të fushave të ndryshme si nga mjekësia, politika, gjyqësia, arti e kultura që kanë për qëllim shkëmbimin e përvojave dhe integrimin në vendet ku ata jetojnë dhe veprojnë.
Gjatë vizitës në Islandë, delegacioni i shqiptarëve u prit në Ministrinë e Punëve të Jashtme, ku u diskutuan shumë çështje që kanë të bëjnë me mërgatën shqiptare.
Në këtë konferencë referuan tema të ndryshme një numër i madh i personaliteteve nga Evropa - shqiptarë të suksesshëm në punën e tyre. Pjesa e dytë e koherencës iu kushtua artit e kulturës ku interpretoi pianistja me famë botërore Lule Elezi dhe u bë përurimi i trilogjisë së autores e gazetares Alketa Gashi Fazliu.
Komuniteti i shqiptarëve në këtë shtet nordik të Evropës në Atlantikun verior, edhe pse në numër të vogël, është integruar profesionalisht në këtë vend që ka rreth 300 mijë banorë.























