13:21 / 10.05.2019
Danilo Kish: Dasmorët
Dasmorët
Nga shtëpia ime
Dalin dasmorët
Të zinjtë më morën
Nënën
kurse të bardhët
motrën
Zemrës sime i duken njësoj
krismat ose zilet
ose zilet e pushkëve
Nga shtëpia ime
dalin dasmorët.
NESËR
Çdo mbrëmje, i lodhur
nga dëshirat e parealizuara,
prore me një shpresë rrëqethëse në zemër,
pëshpërit një fjalë:
Nesër!
Nesër dikush do më thotë: bir;
nesër dikush do më thotë: i dashur;
nesër dikush do më thotë:... të dua;
nesër të gjithë vuajtjet do t’i varros në një varr,
Në një varr pa kryq, pa asnjë shenjë, që asnjë kujtim
të mos mbetet;
nesër...
Dhe kështu 365 ditë në vit -
Nesër!... Nesër!
(Përktheu: Salajdin Salihu. Marrë nga numri i pestë i revistës “Akademia”)























