Tottenhami pas talentit te Romës, gati 40 milionë euro
BKT
Sport

Tottenhami pas talentit te Romës, gati 40 milionë euro

Pas një sezoni që mund të kulmojë me suksesin në finalen e Champions League (pavarësisht dy sesioneve të merkatos me zero përforcime), Tottenhami mund të ketë një verë shumë të trazuar sa i takon merkatos, duke parë oferat e shumta nga ekipet e tjera në drejtim të lojtarëve të tij.

Drejtuesit e “Spurs”-ave kanë nisur menjëherë nga puna për të përforcuar organikën dhe, sipas medieve angleze, mes objektivave në listën e klubit anglez është edhe Nicolo Zaniolo, për të cilin ekipi i drejtuar nga Mauricio Pochettino është gati t’i ofrojë Romës 40 milionë euro.

Vështirë se Tottenhami mund të arrijë të bindë italianët për ta lënë të lirë talentin e tyre, për të cilin në verë pritet të hapet një ankand mes ekipeve më të mëdha të Europës.