Fundi i një epoke, Lukaku i jep lamtumirën Belgjikës
F.B/RTKLive
Sulmuesi belg, Romelu Lukaku, ka njoftuar tërheqjen nga futbolli ndërkombëtar, duke i dhënë fund një kapitulli 16-vjeçar me përfaqësuesen e Belgjikës.
Lukaku, 33-vjeçar, e bëri të ditur vendimin të hënën përmes një postimi në Instagram, ku kujtoi emocionet dhe përvojat e shumta që ka përjetuar gjatë karrierës me kombëtaren.
Ai e mbyll aventurën ndërkombëtare me 135 paraqitje dhe 94 gola, duke mbetur golashënuesi më i mirë në historinë e Belgjikës.
Gjatë kësaj periudhe, sulmuesi belg përfaqësoi vendin e tij në katër edicione të Kampionatit Botëror dhe në tri Kampionate Evropiane.
Me 94 realizime, Lukaku renditet gjithashtu në vendin e pestë në listën e golashënuesve më të mirë të të gjitha kohërave në futbollin ndërkombëtar të meshkujve.























