Knicks fitojnë në vazhdime, Lakers dhe Spurs vazhdojnë serinë pozitive
BKT
Sport

Knicks fitojnë në vazhdime, Lakers dhe Spurs vazhdojnë serinë pozitive

F.B/RTKLive

New York Knicks kanë marrë një fitore dramatike në udhëtim ndaj Toronto Raptors, duke triumfuar me rezultat 112-108 pas vazhdimeve.

Vendimtar për skuadrën nga Nju Jorku ishte Jalen Brunson, i cili realizoi një gjuajtje për tri pikë vetëm 33 sekonda para fundit, duke i siguruar ekipit të tij një fitore të rëndësishme.

Ndërkohë, kampionët në fuqi vazhdojnë formën mbresëlënëse, duke regjistruar fitoren e 14-të radhazi.

Në Konferencën e Perëndimit, Los Angeles Lakers vazhduan me rezultate pozitive, duke mposhtur Phoenix Suns në udhëtim me shifrat 131-123. Fitore regjistroi edhe San Antonio Spurs, që triumfuan ndaj Utah Jazz në Salt Lake City me rezultat 110-102.

Në ndeshjet e tjera, Boston Celtics ishin bindës ndaj Dallas Mavericks, duke fituar me plot 37 pikë diferencë, 131-94. Ndërsa Philadelphia 76ers mposhtën Indiana Pacers me rezultat 131-124, duke vazhduar ngjitjen në renditjen e Konferencës së Lindjes.

Pas tri humbjeve radhazi, Oklahoma City Thunder u rikthyen te fitorja, duke triumfuar ndaj Sacramento Kings me shifrat 125-103.

Një fitore të thellë regjistroi edhe Houston Rockets, që shkatërruan Washington Wizards me rezultat 147-119. Në këtë përballje, Trae Young përjetoi një natë të pazakontë, duke e mbyllur ndeshjen pa asnjë pikë për herë të parë në karrierën e tij.

Ndërkohë, Los Angeles Clippers mposhtën Charlotte Hornets 113-105, kurse Atlanta Hawks triumfuan në udhëtim ndaj Milwaukee Bucks me rezultat 113-106.

Rezultatet e NBA-së:

- Philadelphia 76ers – Indiana Pacers 131-124

- Phoenix Suns – Los Angeles Lakers 123-131

- LA Clippers – Charlotte Hornets 113-105

- Toronto Raptors – New York Knicks 108-112 (pas vazhdimeve)

- Utah Jazz – San Antonio Spurs 102-110

- Boston Celtics – Dallas Mavericks 131-94

- Washington Wizards – Houston Rockets 119-147

- Milwaukee Bucks – Atlanta Hawks 106-113

- Sacramento Kings – Oklahoma City Thunder 103-125