14:17 / 07.07.2019
Zyrtare: Vedat Muriqi transferohet tek gjiganti turk
Sulmuesi i Kombëtares së Kosovës, Vedat Muriqi i është bashkuar gjigantit turk Fenerbahce.
Disa orë më parë u raportua se klubi i tij Rizespor ka pranuar ofertën e Fenerbahces dhe këtë e ka bërë publike.
Ndërkohë që nuk vonoi shumë dhe erdhi edhe zyrtarizmi nga klubi turk. Ata nëpërmjet rrjeteve sociale kanë zyrtarizuar blerjen e Muriqit.
Për Muriqin interesim kishte shprehur edhe rivali i Fenerbahces, Galatasaray por edhe Toulouse, Celta Vigo e Levante.
Kujtojmë që Muriqi këtë edicion e ka mbyllur kampionatin turk me 17 gola të shënuar.























