16:22 / 12.09.2019
Carragher: City, përsëri favorit për të fituar Premier Ligën
Legjenda e Liverpoolit, Jamie Carragher ka thënë se Manchester City është përsëri favorit për ta fituar Premier Ligën.
Liverpool ka filluar sezonin shumë mirë pasi ka arritur t’i fitojë të gjitha ndeshjet e para dhe të fitojë Superkupën e Evropës kundër Chelseas.
Pavarësisht kësaj Carragher beson që rivali Manchester City është favorit.
“Është ende herët. Mendoj se City është favorit dhe është klubi më i mirë në Premier Ligë. Këtë gjë e ka dëshmuar duke fituar Premier Ligën sezonin e kaluar. Liverpool është në gjendje të luftojë, por ata janë më të fortë”, deklaroi ai.
“Reds” janë në vendin e parë me 12 pikë, derisa City është në vendin e dytë me 10 pikë.























