18:02 / 05.10.2019
Liverpooli i pandalshëm, mund në “frymën e fundit” Leicesterin
Liverpooli nuk ka ndërmend të ndalet në Premier League. Skuadra e Jurgen Klopp ka arritur fitoren e 8 në 8 ndeshje në kampionat.
Të kuqtë mundën 2-1 Leicesterin me një gol të shënuar në “frymën e fundit”.
Sadio Mane do të zhbllokonte ndeshjen në minutën e 40-të, pasi mori një top të bukur nga kapiteni Milner. Kur u duk se gjithçka ishte mbyllur, 10 minuta nga fundi i kohës së rregullt, James Maddison vendosi heshtjen në “Anfield”, transmeton KJ.
Në minutën e 5-të shtesë, Milner shënoi nga pika e bardhë, golin e që e mban Liverpoolin me pikë të plota.























