19:15 / 05.11.2019
Boateng dënohet me dy ndeshje mos lojë
Mbrojtësi i Bayern Munich, Jerome Boateng, është dënuar me dy ndeshje mos lojë, për shkak të kartonit të kuq kundër Eintracht Frankfurt.
Futbollisti gjerman në minutën e nëntë mori kartonin e kuq, derisa klubi humbi me rezultat të thellë (5-1).
Humbja i ka kushtuar Niko Kovac me shkarkim nga posti i trajnerit.
Në vend të tij spekulohet për ardhjen e trajnerëve të njohur si Jose Mourinho, Massimiliano Allegri, derisa Erik ten Hag ka refuzuar stolin e “bavarezëve”.
Bayerni nesër luan kundër Olympiacos Piraues, në “Allianz Arena”, duke filluar nga ora 19:00.























