Raptors fitojnë me “triple double” të Kyle Lowryt
BKT
Sport

Raptors fitojnë me “triple double” të Kyle Lowryt

Cleveland Cavaliers arritën një fitore “in extremis” në “Quicken Loans Arena” përballë Charlotte Hornets 100-98, pavarësisht formës së jashtëzakonshme të Terry Rozier, autor i 35 pikëve për miqtë. Morën më shumë vlerë në këtë përballje 23 pikët e Collin Sexton dhe “double double” të Kevin Love e Tristan Thompson.

Ndërkohë, kampionët në fuqi të NBA-së, Toronto Raptos, fituan 99-112 në parketin e Detroit Pistons, me “triple double” të Kyle Lowry-t (20 pikë, 10 asist dhe 10 rikuperime), ndërsa Pascal Siakam shtoi 26 pikë. 25 pikë e 13 “rebound” realizoi edhe Serge Ibaka. Nuk shërbeu për asgjë sforcoja e Andre Drummond, autor i 22 pikëve dhe 18 rikuperimeve.

Një kosh i shënuar 9 sekonda para rënies së sirenës nga Wendell Carter Jr. u dhuroi suksesin me vetëm një pikë diferncë 109-110 Chicago Bulls në transfertë me Washington Wizards. Lauri Markkanen spikati me 31 pikë, ndërsa Zach LaVine shtoi 24 pikë të tjera për Bulls. Në radhët e Wizards Davis Bertans realizoi 26 pikë, me Bradley Beal që shtoi edhe 22 të tjera.

Surpriza e mbrëmjes ishte pa dyshim humbja e Philadelphia 76ers përballë Miami Heat 104-108, pavarësisht “double double” (22 pikë e 19 “rebound”) të Joel Embiid. Spikati loja në grup e 76ers, me 5 lojtarë më shifra të dyfishta pikësh, kryesuar nga Kendrick Nunn (26) e Bam Adebayo (23).

New Orleans Pelicans triumfuan në shtëpinë e Minnesota Timberwolves me rezultatin 99-107, falë 34 pikëve të Brandon Ingram, ndërsa 27 pikët e Andrew Wiggins nuk i shërbyen për asgjë Minnesotas.

Oklahoma City Thunder ndërkohë iu imponuan 126-122 Memphis Grizzlies, me protagonist kryesor gjermanin Dennis Schroder, më i miri mbi parket me 31 pikë. Në radhët e Grizzlies shënoi 27 pikë Brandon Clarke dhe 24 Jonas Valanciunas.

 

Rezultatet:

Cleveland Cavaliers-Charlotte Hornets 100-98

Detroit Pistons-Toronto Raptors 99-112

Washington Wizards-Chicago Bulls 109-110 dts

Philadelphia 76ers-Miami Heat 104-108

Minnesota Timberwolves-New Orleans Pelicans 99-107

Oklahoma City Thunder-Memphis Grizzlies 126-122

Denver Nuggets-Orlando Magic 113-104

Dallas Mavericks-Boston Celtics 103-109

Portland Trail Blazers-Golden State Warriors 122-112