Asgjë serioze, Hysaj del në stërvitje gati për Barçën!
BKT
Sport

Asgjë serioze, Hysaj del në stërvitje gati për Barçën!

Elseid Hysaj nuk kërkon të mungojë për asnjë arsye në sfidën e parë të raundit të 1/8-ave të Champions League ndaj Barcelonës, sfidë që do të zhvillohet mesjavën e ardhshme në San Paolo.

Kapiteni i kombëtares shqiptare i cili u dëmtua në sfidën e fundit të Serie A ndaj Cagliarit, ka djegur të gjitha etapat duke dalë në stërvitje që këtë të mërkurë, edhe pse mediat aluduan se do të mungonte rreth 15 ditë.

Hysaj i cili është një lojtar shumë i rëndësishëm në zgjedhjet e trajnerit të Napolit Genaro Gattuso e ka hedhur pas shpatullave dëmtimin dhe me shumë gjasa do të jetë gati për sfidën ndaj Barcelonës, raportojnë mediat shqiptare.