Lazio e do Muriqin, gati 20 milionë euro
BKT
Sport

Lazio e do Muriqin, gati 20 milionë euro

Sulmuesi kosovar i Fenerbahces, Vedat Muriqi duket se karrierën do ta vazhdojë në Serie A.

Sipas Calcio Mercato, Muriqi mund ta vazhdojë karrierën tek Lazio. Ylli i “Dardanëve” po bën një sezon të madh me Fenerbahcen, dhe falë përformances së tij, tashmë ai ka ndezur interesimin e klubeve të mëdha jo vetëm italiane, por edhe atyre nga Premier League.

Siç raportohet, “lacialët” e duan Muriqin ose Olivier Giroud te Chelseat për sezonin e ardhshëm.

Skuadra italiane thuhet se është gati t’ia ofrojë Fenerbahces 20 milionë euro për ta bërë të vetin sulmuesin kosovar.

Ish-lojtari i Lirisë së Prizrenit, këtë edicion ka shënuar 15 gola dhe gjashtë asistime, duke qen njëri lojtarët kryesor tek skuadra turke.