12:02 / 24.04.2020
Vdes ish-presidenti i klubit të Serie A
Ish-presidenti i Bolognës, Giuseppe Gazzoni Frascara ka ndërruar jetë në moshën 84-vjeçare. Bologna konfirmoi vdekjen e Presidentit të Nderit, ikona që riktheu në jetë klubin në mesin e viteve 1990.
"Prej disa ditësh vuante nga një sëmundje dhe sot u nda nga jeta Giuseppe Gazzoni Frascara. Gjithmonë ka dalë në pah për mençurinë dhe stilin e tij të veçantë", shkruan klubi italian.
Gazzoni Frascara hyri në botën e futbollit në 1993, kur e shpëtoi Bolognën nga falimentimi dhe i ngriti ata nga Seria C në nivelin e parë vetëm në tre vjet.
Ai mbahet mend gjithashtu si një nga personat kryesorë që u akuzua në skandalin e Calciopolit.























