Lukaku bën me dhimbje koke Conten: Do të kthehem në Belgjikë
Sulmuesi i Interit, Romelu Lukaku ka folur gjatë për mediet belge, teksa sa i përket të ardhmes është shprehur se do të dëshironte që një ditë të kthehej te Anderlecht në Belgjikë, pasi e ndjek gjithmonë ish-ekipin e tij.
Shtatëlarti vlerësoi kampionatin italian, duke e cilësuar në lartësinë e tij, çka do të thotë se ende nuk ka ndërmend të largohet, me trajnerin Conte që duhet të blindojë lojtarin belg.
“E ardhmja? Për një gjë jam i sigurt. Do të kthehem sërish te Anderlecht. Gjithmonë e ndjek në çdo ndeshje me dashuri, kam atë gjak. Ata nuk po kalojnë një moment të mirë dhe dua t’i ndihmoj, më kanë mbështetur kur isha i ri dhe dua t’i shpërblej”, tha ai.
“Kampionati italian është i fortë dhe besoj se më përshtatet. Për momentin jam mirë në Itali dhe besoj duhet të kisha kaluar më parë në Serie A. Për një gjë jam i sigurt, një ditë do të kthehem te Anderlecht”, tha sulmuesin.























