13:31 / 13.10.2020
Rashica nis të buzëqeshë, rikthehet në stërvitje me Werder Bremen
Milot Rashica nuk e ndihmoi dot Kosovën në ndeshjen e rëndësishme kundër Maqedonisë së Veriut, për shkak të një dëmtimi në gju.
Dëshira e tij ishte e madhe të luante, por nuk mund ta bënte diçka të tillë.
Për këtë ai sqaroi edhe tifozët dardanë, të cilët edhe akuzuan lojtarët e tyre për shkak të mungesës në përfaqësuese. Për Kosovën nuk është një moment i mirë, ndërkohë që edhe Rashica ka pasur problemet e tij.
Transferimi te Bayer Leverkusen i dështoi në momentet e fundit dhe do i duhet të qëndrojë të paktën deri në janar me Werder Bremen. Ditën e sotme fatmirësisht ai ka nisur stërvitjen me grupin dhe klubi gjerman e ka njoftuar diçka të tillë përmes kanaleve zyrtare të informimit.























