11:31 / 12.11.2020
Me golin kundër Andorrës Ronaldo e barazon rekordin e Puskas
Sulmuesi i Juventusit, Cristiano Ronaldo, e ka barazuar rekordin e Ferenc Puskas, duke u bërë golashënuesi i katërt më i mirë në histori të futbollit.
Ronaldo shënoi gol të bukur me kokë në triumfin e Portugalisë 7:0 kundër Andorrës në një ndeshje miqësore të mërkurën, transmeton GE.
Ky ishte goli i 746-të i Ronaldos në karrierë, aq sa ka edhe legjenda e Hungarisë dhe Real Madridit.
Vetëm Josef Bican, Romario dhe Pele kanë më shumë gola se Ronaldo.
Pele prin me 805 gola, duke i lënë prapa Romarion me 772 gola dhe Bican me 767 gola.
Ronaldo luajti në 45 minutat e fundit kundër Andorrës, për shkak vinte nga një shqetësim në nyjën e këmbës.
Portugalia do të përballet me Francën dhe Kroacinë në Ligën e Kombeve në ditët në vijim.























