16:59 / 25.11.2020
Shkëndija eliminohet nga Kupa!
Shkëndija e Ernest Gjokës humbet mundësinë për të të fituar të dy trofetë sezonalë në Maqedoninë e Veriut gjatë këtij sezoni.
Skuadra tetovare u eliminua në çerekfinalet e Kupës pasi u mposht nga Sileksi pas goditjes së penalltive. Koha e rregullt përfundoi në barazim pa gola ndërkohë që nga goditjet e penalltive lojtarët e Sileks u treguan më të saktë duke triumfuar me shifrat 4-2.
Në çerekfinale u eliminua edhe skuadra tjetër shqiptare ajo e Shkupit që u mposht 2-1 në transfertën ndaj Akademija Pandev.
E vetmja skuadër shqiptare që avancoi në gjysmëfinale ishte Struga Trim Lum që fitoi 1-0 derbin me Renovën me një gol të realizuar me penallti në fillimin e pjesës së dytë.























