Prishtina vazhdon me fitore, mund Besën
BKT
Sport

Prishtina vazhdon me fitore, mund Besën

Prishtina ka shënuar fitoren e radhës në kampionatin elitar të futbollit kosovar për të vijuar ngjitjen në klasifikim si me ashensor.

Si për ironi të fatit kryeqytetasit triumfuan sikurse në xhiron e kaluar me rezultat 0-2 dhe atë më golashënues të njëjtë, “binomin” Endrit Krasniqi dhe Leutrim Kryeziu, të cilët këtë herë “likuiduan” Besën e Pejës.

Tashmë me këtë fitore skuadra e Zekirija Ramadanit kalon përkohësisht në pozitën e tretë të renditjes tablare me 24 pikë, një më shumë se Gjilani që ndeshjen e radhës e zhvillon ndaj Dritës të dielën.

Besa e Pejës mbetet në pozitën e fundit të renditjes tabelare me vetëm gjashtë pikë të grumbulluara.