Festivali i Poezisë “Tozeur”, Shqipëria përfaqësohet me poetin Arjan Kallço

Festivali i Poezisë “Tozeur”, Shqipëria përfaqësohet me poetin Arjan Kallço

Edicioni i 40-të i Festivalit Ndërkombëtar të poezisë Tozeur, në Tunizi do të zhvillohet 24-27 dhjetor, një nga eventet më të rëndësishme të letërsisë arabe.

Shqipëria do të përfaqësohet në këtë event nga shkrimtari dhe përkthyesi korçar Arjan Kallço.

Pjesëmarrës të tjerë janë ambasadorja kulturore e festivalit, Garcia Hernandez, poetët italianë Marica Goffi, Marina Pratici dhe Salvatore Nappa, poeti argjentinas Jorge Alacevich, spanjolli Joan Josep Barcelo I Bauca; norvegjezja Margaret Ann Waddicor dhe poetja nga Kolumbia, Luz Elena Arias Soto.

Qyteti Tozeur ndodhet në një oaz në jugperëndim të kryeqytetit Tunis e rrethuar nga palma si dhe qyteti i poetit të njohur tunizian Aboul-Qacem Echebbi (Abu l-Qasim al-Shabbi), i cili është veçanërisht i njohr për shkrimin e një poezie në të cilën bazohet himni kombëtar tunizian dhe për shkrimin e poezisë prekëse Ela Toghat Al Alaam (për tiranët e botës).