17:40 / 15.01.2021
Rooney emërohet trajner me të drejta të plota te Derby County
Klubi i Futbollit Derby County ka njoftuar emërimin e Wayne Rooney si trajneri i ri i klubit.
35-vjeçari merr këtë pozitë në një marrëveshje për dy vite e gjysmë, e cila do të zgjasë deri në verën e vitit 2023, transmeton Periskopi.
Rooney ishte emëruar në pozitat e trajnerit të përkohshëm para dy muajve, por falë tij, Derby doli nga zona e rrezikshme në Championship dhe bordi ia ka besuar punën duke i dhënë pozitën e trajnerit me të drejta të plota.
Golashënuesi kryesor i Anglisë dhe Manchester United, me mbi 700 paraqitje profesionale në emrin e tij, u bashkua me Derby në janar të vitit 2020 dhe bëri 35 paraqitje për ta.
Ndeshja e parë e Rooney si menaxheri i përhershëm i Derby do të jetë ndeshja e së shtunës në shtëpi me Rotherham United.























