08:57 / 12.03.2021
Roma ‘shkeli’ Shakhtarin, ja si u vlerësua Kumbulla
Marash Kumbulla u rikthye titullar me Romën në ndeshjen e Ligës së Europës, ku verdhekuqtë triumfuan me rezultatin 3-0 ndaj ukrainasve të Shakhtar Donetsk.
Meritë që italianët nuk pësuan gola, ka edhe mbrojtësi i Kombëtares, i cili ishte i pakalueshëm në prapavijë.
“SofaScore” e vlerëson me notën 7.2 Kumbullën për ndeshjen e sotme.
Për sa i përket statistikave, Kumbulla luajti gjithë ndeshjen, ku kishte 3 ndërhyrje vendimtare, 1 spastrim të zonës, 4 duele të fituara dhe 87% e pasimeve ishin të sakta.























