Publikohet libri “Një tragjedi shqiptare” i autorit Irfan Ukshini
“Një tragjedi shqiptare” është libri më i ri i bashkëvendësit tonë Irfan Ukshini. Përmes kësaj kronike historike, autorit Irfan Ukshini paraqet kontekstin real familjar të një familjeje shqiptare, familjes Ukshini nga Zhegra.
Kjo kronikë shpërfaqë të vërtetën e një familjeje shqiptare, ku për bazë merr gjyshërit dhe familjen e tij por edhe kontekstin kohor në krizën politike dhe humanitare nëpër të cilën po kalonte Kosova deri në përshkallëzimin dhe shpërthimin e luftës në Kosovë.
Libri i kushtohet kryekëput Ukshin dhe Miradije Ukshinit, post mortum, të cilët në mënyrë barbare u ekzekutuan nga forcat ushtarake serbe në pragun e shtëpisë në Zhegër më 30 mars dhe 1 prill 1999, përderisa drejtësia për krime lufte ndaj civilëve në këto anë nuk u vu as sot e kësaj dite.























