Briken Calja fiton dy medalje në Kampionatin Europian në Moskë
BKT
Sport

Briken Calja fiton dy medalje në Kampionatin Europian në Moskë

Peshëngritësi Briken Calja ka fituar dy medalje në Kampionatin Europian për peshëngritje, e cila po mbahet në Moskë të Rusisë.

Calja të martën garoi në kategorinë deri në 73 kilogram, fitoi medaljen e argjendtë dhe të bronztë, në dy stile të ndryshme, transmeton Klan Kosova.

Për Caljen është viti i pestë rresht që sjell medalje për Shqipërinë.

”Në mes të Moskës, Briken Calja dhe peshëngritja shqiptare doli kokëlartë dhe krenar duke dridhur një Europë të tërë. Jam shumë i lumtur që u rikthyem në këtë kampionat direkt me medalje dhe arritëm një sukses mëse të merituar”.

”Për vitin e 5-të rresht vazhdoj të sjell medalje për Shqipërinë pavarësisht ulje ngritjeve”, tha Calja përmes një postimi në Facebook.

Ulje ngritje ka pasur Federata e Peshëngritjes të Shqipërisë pas disa skandaleve me doping, që i fundit ishte i Arber Cercizi pasi ky doli pozitiv për kokainë, raporton insidethegames.