Reali triumfon ndaj Cadizit dhe barazohet me Atleticon në krye
BKT
Sport

Reali triumfon ndaj Cadizit dhe barazohet me Atleticon në krye

Real Madridi është ngjitur në krye të tabelës së La Ligas pas fitores së rëndësishme përballë Cadizit (3-0) në ndeshjen e xhiros së 32-të në La Liga.

Në sfidën e zhvilluar në Estadio Ramon de Carranza, Los Blancos e kryen detyrën që në pjesën e parë, në të cilën i shënuan tre gola.

Pas gjysmë ore lojë, Karim Benzema e zhbllokoi rezultatin me një gol të shënuar nga penalltia (30’).

Vetëm tri minuta më pas (33’), mysafirët e dyfishuan epërsinë me golin e Alvaro Odriozola. Kësaj radhe Benzema ishte në rolin e asistuesit.

Pesë minuta pa u mbyllur gjysma e parë, Karim Benzema shënoi edhe golin e dytë personal në këtë takim falë asistimit nga Casemiro.