15:14 / 08.06.2021
Gjakova në luftë për të bronztën kundër serbes Perishiq
Xhudistja kosovare Nora Gjakova u mposht në gjysmëfinale nga kanadezja Jessica Klimkait, dhe tani do të luftojë për medaljen e bronztë në Kampionatin Botëror të xhudos.
Në kategorinë deri në 57 kilogramë, Gjakova në rrugëtimin e saj regjistroi katër fitore, njërën prej tyre pa luftë, derisa u ndal nga xhudistja kanadeze, përcjell KosovaPress.
Gjakova tani do të luftojë për medaljen e bronztë në këtë kampionat, ku do të luftojë kundër xhudistes nga Serbia, Marica Perishiq.























