16:45 / 28.06.2021
KB Prishtina emëron trajnerin e ri
Ish-trajneri i Cibona Zagrebit dhe shumë skuadrave tjera elitare, Ante Nazor është emëruar trajner i klubit të basketbollit Prishtina.
Kroati 42 vjeçar ka një karrierë të bujshme në zejen e trajnerit, ku ka udhëhequr skuadra të mëdha dhe gjithashtu ka arritur shumë suksese.
Ai ishte ndihmës trajner dhe kryetrajner i Kombëtarës së Kroacisë për kategoritë e reja, kryetrajner i skuadrave të famshme si, Zadar, Cibona, Split, MZT Skopje dhe ZTE.
Sukseset e tij si trajner janë, Kampion i Superligës së Maqedonisë së Veriut, Medalist i Artë i FIBA U-16 me Kroacinë, Medalist i Argjendtë me Kroacinë U-18 dhe U-19, dhe dy herë i Bronztë me kategoritë e lart përmendura.
Ai gjithashtu ishte pjesëmarrës në ABA League.























