Rashani transferohet në Francë, firmos për këtë skuadër
BKT
Sport

Rashani transferohet në Francë, firmos për këtë skuadër

Sulmuesi Elbasan Rashani është transferuar në Francë.

Rashani karrierën e tij do ta vazhdoj në Ligue I të Francës te skuadra e Clermont.

Sulmuesi ka arritur marrëveshje dy-vjeçare me klubin francez të vlefshme deri në qershor të vitit 2023.

Së fundmi reprezentuesi kosovar ishte pjesë e BB Erzurumsport ku zhvilloi 12 paraqitje dhe realizoi tre gola.

28-vjeçari, në të kaluarën ishte pjesë e skuadrave si Odd ,Brondby dhe Rosenborg.

Rashani ka zhvilluar 16 paraqitje me Kombëtaren e Kosovës dhe ka shënuar tre gola.

Lajmin për transferimin e kosovarit e ka bërë të ditur vetë klubi i Clermont.