17:16 / 19.10.2021
Barcelona i vendos ultimatum Dembeles
Gjiganti spanjollë e ka humbur durimin me yllin e ekipit.
Ousmane Dembele është duke kaluar vitin e fundit të kontratës me Barcelonën që i skadon në qershor të vitit 2022.
Palët prej kohësh kanë nisur bisedimet me futbollistin për të nënshkruarë marrëveshjen e re, megjithatë akordi duket larg mes tyre.
Sipas mediave spanjolle, ‘Blaugranët’ i kanë vendosur ultimatum Dembeles për të rinovuar kontratën.
Sulmuesi duhet të kthej përgjigjie brenda këtij muaji për të rinovuar ose jo kontratën.
Gjiganti spanjollë nuk dëshiron ta humb yllin e tyre falas, andaj nëse ai nuk rinovon do të shitet në merkaton e dimrit.
Thuhet se Dembele është i interesuar të qëndrojë te Barça, por është agjenti i tij që po insiston për largimin e tij.























