Jep dorëheqje kryesia e Drenicës pas problemeve financiare
Klubi i Drenicës është duke u përballur me probleme financiare dhe Kryesia e klubit ka vendosur të dorëhiqet.
Vetë klubi i Drenicës e ka bërë lajmin të ditur përmes një postimi në rrjetin social Facebook .
NJOFTIMI
Dorëhiqet kryesia e klubit!
Skenderaj - 17 Nëntor 2021
Kryesia e klubit sot, pas situatës të krijuar në klub ka dhënë dorëheqje nga drejtimi i klubit.
Dorëheqja vjen si rrjedhojë e pamundësisë së financimit të klubit dhe pamundësisë për t'i permbushur obligimet e klubit.
Që nga sot, klubi është i hapur për të gjithë të interesuarit për të mbeshtetur klubin dhe për të investuar në klub, për të çuar klubin përpara.
Kryesia falendëron Komunën e Skenderajt, bizneset, donatorët, sponsorët, stafin, lojtarët, punëtorët e klubit, tifozët dhe gjithë qytetarët e Skenderajit për mbeshtetjen gjatë kësaj kohe.
Me Respekt,
Kryetari, Mustaf Bajraktari























