17:05 / 26.11.2021
Arrihet marrëveshja, ja kur do të marrë Rangnick drejtimin e Unitedit
Manchester United ka arritur një marrëveshje parimore me Lokomotiv Moscow për Ralf Rangnick.
Kontratat pritet të nënshkruhen këtë fundjavë që Rangnick të marrë detyrën e përkohshme deri në fund të sezonit.
Marrëveshja e Rangnick përmban edhe dy vjet të tjera në një rol konsulence në Old Trafford.
“Sky Sports News” ka mësuar se nënkryetari ekzekutiv i United, Ed Woodward ka shtyrë për dy vjet të tjera duke pasur parasysh nivelin e ekspertizës së Rangnick.
United beson fuqishëm se Rangnick do të ofrojë njohuri dhe burime të vlefshme në anën e futbollit përtej fundit të sezonit.























