Manchester United pezullon Mason Greenwood
BKT
Sport

Manchester United pezullon Mason Greenwood

Policia britanike njoftoi sot se kishte arrestuar një të ri me akuza për përdhunim pasi akuza të ngjashme kundër lojtarit të Manchester United, Mason Greenwood u postuan në Instagram.

Në një deklaratë, policia tha se pasi u informua se e reja kishte publikuar akuza për "shpërdorim fizik" në rrjetet sociale, ajo kishte nisur një hetim në të cilin një i ri rreth të njëzetat u arrestua me akuzën për përdhunim dhe sulm, shtoi policia pa përmendur emrin e lojtarit.

Përkatësisht, një video, foto dhe një mesazh zanor ku pretendohej për dhunë dhe përdhunim u postuan në Instagram mëngjesin e së dielës, por shumë shpejt u fshinë.

Këto pamje tregojnë një grua të re, fytyra e së cilës është e mbuluar me gjak dhe e cila ka mavijosje në trupin e saj me mesazhin "për të gjithë ata që duan të dinë se çfarë bën në të vërtetë Mason Greenwood".

Manchester United njoftoi sot se Mason Greenwood nuk do të stërvitet apo të luajë deri në njoftimin e mëtejshëm pasi të jenë publikuar akuzat kundër tij.

“Mason Greenwood nuk do të stërvitet apo të luajë lojëra deri në një njoftim tjetër”, tha United në një deklaratë.

Greenwood ka shënuar gjashtë gola dhe ka regjistruar dy asistime në 24 ndeshje në të gjitha garat për United këtë sezon.