12:06 / 02.03.2022
Rusia e gatshme për vazhdim të bisedimeve
Sipas Moskës, delegacioni rus do të presë në takim për vazhdimin dialogut delegacionin ukrainas, por nuk specifikoi vendin.
Përgatiti: Ardiana Gashi
Zëdhënësi i Kremlinit, Dmitry Peskov, tha se një delegacion rus do të jetë i gatshëm të mërkurën për rundin e ri të bisedimeve me Ukrainën, por nuk dha detaje shtesë rreth vendndodhjes ose formatit të diskutimeve.
“Delegacioni ynë do të jetë i gatshëm të vazhdojë bisedën sonte”, tha Peskov.
Të hënën, bisedimet u zhvilluan me delegacionet ukrainase dhe ruse në Bjellorusi, jo shumë larg kufirit ukrainas. Të dyja palët diskutuan për një armëpushim të mundshëm, sipas një këshilltari presidencial ukrainas, por ato nuk dhanë ndonjë rezultat konkret.























