Në bisedimet me rusët, Ukraina kërkon armëpushim dhe korridore humanitare
BKT
   Ukraina

Në bisedimet me rusët, Ukraina kërkon armëpushim dhe korridore humanitare

Në raundin e dytë të bisedimeve me Rusinë, Ukraina ka kërkuar armëpushim, të krijohen korridore humanitare, rrugë për civilët për të shmangur zonat e goditura nga konflikti.

Delegacionet negociatore të Rusisë dhe Ukrainës janë takuar sot në Bjellorusi, në një zonë afër kufirit me Poloninë. Përderisa Ukraina po kërkon armëpushim dhe  korridore për konvojet humanitare dhe civilët, Rusia po kërkon që Ukraina të mbetet shtet neutral, të mos anëtarësohet në NATO dhe BE, në Ukrainë të zgjidhet një qeveri tjetër si dhe të largohet presidenti, Volodymyr Zelensky.

Numri i njerëzve që ikin nga Ukraina  ka arritur në mbi një milion, ndërsa Kremlini vazhdon të rrethojë shumë qytete në jug të Ukrainës.

Raundi i parë i bisedimeve  që zgjati për orë të tëra të hënën përfundoi pa ndonjë rezultat.

Pushtimi i Ukrainës ka hyrë në javën e dytë dhe presidenti, Volodymyr Zelensky po bën thirrje për më shumë ndihmë ndërkombëtare, përderisa  ushtria ruse ka rrethuar qytetet kryesore të Ukrainës.