12:06 / 07.03.2022
SHBA: “Gati të përballim çdo kërcënim” ndaj NATO-s
Sekretari amerikan i Shtetit, Antony Blinken, që po qëndron në një vizitë zyrtare në Lituani, tha se SHBA dhe Lituania janë “të bashkuar për të qëndruar me Ukrainën”, në kohën kur pushtimi rus ka arritur ditën e 12-të.
SHBA dhe aleatët janë të gatshëm “që të përballen me çfarëdo kërcënimi”, ka thënë Blinken. Këtu përfshihet edhe dërgimi i 7 mijë trupave amerikane në Evropë, si dhe ripozicionimi i të tjerëve “për të forcuar krahun lindor të NATO-s”.























