10:11 / 09.03.2022
Ukraina bën përpjekje t’i largojë civilët nga Mariupoli
Ukraina do të bëjë përpjekje që t’i largojë civilët përmes gjashtë “korridoreve humanitare”, përfshirë qytetin e rrethuar të Mariupolit, ka thënë zv/kryeministrja ukrainase, Iryna Vereshchuk.
Përmes një video-mesazhi, ajo tha se forcat ukrainase janë pajtuar që t’i ndalin bombardimet në ato zona nga ora 9 e mëngjesit deri në 9 të mbrëmjes.
Ato kanë kërkuar nga forcat ruse që ta mbajnë premtimin për armëpushim lokal.























