Në Mariupol ka mungesë ushqimesh
BKT
   Ukraina

Në Mariupol ka mungesë ushqimesh

Një deputet ukrainas i ka thënë BBC-së se autoritetet lokale në qytetin e Mariupolit e kanë njoftuar se qyteti ka vetëm edhe 3 ditë furnizime me ushqime, përpara se të fillojë uria.

“Tani jemi në një situatë kur civilët dhe qytetet paqësore po bëhen rrafsh me tokë”, ka thënë Dmytro Gurin. ‘Prindërit e mi jetojnë në distriktin lindor të Mariupolit; nuk ka infrastrukturë ushtarake në këtë zonë dhe kurrë s’ka pasë”.

Ai u ka bërë thirrje vendeve perëndimore që ta kuptojnë se “Lufta e Tretë Botërore veçse ka nisur” dhe i ka bërë thirrje SHBA-së që ta lejojë Poloninë që ta pajisë Forcën Ajrore Ukrainase me aeroplanë luftarakë MiG-29.