17:00 / 10.03.2022
Nënkryetari i qytetit Mariupol: 1207 trupa u mblodhën nga rrugët
Zyrtarët në Ukrainë thonë se forcat ruse kanë rifilluar bombardimet e qytetit, në Mariupol, një ditë pasi një spital u godit nga një sulm ajror, duke lënë të vrarë të paktën 4 persona përfshi edhe një fëmijë.
Serhiy Orlov, nënkryetar i bashkisë së qytetit portit, Mariupol, të rrethuar nga forcat ruse ka thënë se ende nuk dihet se sa njerëz janë vrarë në total në qytet, por shifra më e fundit sipas tij është 1207 persona që kanë arritur të mblidhen nga ekipet emergjente.
Këto janë "vetëm trupa që i kemi mbledhur në rrugë", tha Orlov për BBC.
Ai tha se vetëm 47 persona ishin varrosur në një varr masiv, pasi nuk ishte e mundur të shkohej në varrezat jashtë qytetit. "Por jo të gjithë u identifikuan," shtoi ai.























